Nagapati ang Filipino Nurses United (FNU) nga dapat hatagan sang opsyon ang mga healthworkers nga luyag magpabakuna sang Sinovac vaccine.
Kahapon, ginhatagan na sang emergency use authorization (EUA) sang Food and Drug Administration (FDA) ang China-based drugmaker nga Sinovac.
Ini ang ikatatlo nga COVID-19 vaccine kasunod sang Pfizer-BioNTech kag AstraZeneca nga nakakuha sang EUA nagikan sa FDA.
Apang wala ini ginarekomendar sa mga healthworkers bangud nga 50.4% lang ang efficacy rate sini sa ila samtang 65.3% tubtob 91.2% naman ang efficacy rate sini sa mga healthy individuals nga naga-edad 18 tubtob 59-anyos.
Sa interview sang Bombo Radyo Bacolod kay Eleanor Nolasco, vice president sang FNU, ginpahayag sini nga kun pwede ang Sinovac vaccine sa 4th priority groups, pwede man ini dapat sa mga healthworkers nga healthy kag may edad nga 18 tubtob 59-anyos.
Apang dapat siguraduhon sang gobyerno nga may yara sang indemnification kun may yara sang adverse effect ang Sinovac vaccine.
