Kumpormi ang grupo sang traditional jeepney sa Bacolod City sa pagdagdag sang show cause order sa modernized jeepney nga nagasulobra ang pasahero.
Sa interview sang Bombo Radyo Bacolod kay Bacolod Alliance of Commuters Operation and Drivers (BACOD–Manibela) President Rudy Catedral, sila ang wala gid nagakulang sa pagpahanumdom sa ila nga mga miyembro nga likawan ang overloading kag iban pa nga mga traffic violations.
Suno diri, wala man ini nakabatun sang report sa ila miyembro nga nagahimo sini.
Gani kumpormi si Catedral sa pagdagdag sang show cause order sa driver kag konduktor sang nagbayolar nga modernized jeepney.
Apang suno diri, ini lamang sa routa nga Alijis nagakatabo ang problema.
Pahayag ni Catedral nga sa Handumanan, ang pasahero sang modernized jeepney ang halos nagakabit na lamang sa piertahan sa tion sang rush hour.
Suno diri, indi na dapat masulit ang kaangay nga mga hitabo.
Apang aminado man ini nga ang mga pasahero kun kis-a ang wala naman sang choice bangod ulihi nalang nga modernized jeep nga magabyahe kag sila ang mabudlayan na nga mangita sang iban pa nga means of transportation sa pagpauli.
Pahanumdom sini nga may kapasidad lamang nga pasahero ang kada salakyan, kag dapat nga unahon gid ang safety sang pasahero.
Panindugan ni Catedral nga nagakatabo ang problema sa overloading bangod sa kakulang sang salakyan.
