Ginpatawag sang Philippine National Police – Supervisory Office for Security and Investigation Agencies (PNP-Sosia) ang security guard nga nakita sa viral video nga nagsipa kag nagtabog sa estudyante nga babayi nga nagabaligya sang sampaguita.
Ginpahayag Civil Security Group (CSG), kun basehan ang una nga assessment, nalapas sang gwardiya ang ethical standards matapos ginbutong kag ginguba ang sampaguita nga ginabaligya sang estudyante sang ginpahalin niya ini sa gwa sang mall.
Suno kay CSG Spokesperson Lt. Col. Eudisan Gultiano, ang security agency mismo ang ginmanduan nga magdala sang security guard sa SOSIA.
Suno kay Gultiano ginalantaw nga sa masunod nga semana maga-abot sa ila opisina ang guard.
Sa tion nga indi magpakita sila na mismo sa SOSIA ang ma-initiate sa pagpasaka sang administrative complaint.
Una na nga ginpahayag sang mall management nga ginpahalin nila ang guard nga involved kag nagpanawagan man sa security agency nga magpatigayon sang imbestigasyon.
