Hagna nga magapasaka sa anom ka tuig sa term sang mga Barangay and SK officials imbes nga tatlo ka tuig, aprubado na sa 3rd and final reading sang Kamara

Aprubado sa third and final reading sa House of Representatives ang hagna nga may tinutuyo nga mag-extend sa anum ka tuig ang term sang elective Barangay and Sangguniang Kabataan Officials, imbes nga tatlo lamang ka tuig.

Sa plenary session sang Lunes, 153 ka mga kongresista ang nagboto nga approved sa House Bill 11287 sa third and final reading, apat ang nagpamatok kag isa ang nag-abstain.

Sa idalum sang hagna, ang synchronized Barangay and SK elections ang dapat patigayunon kada anum ka tuig sa ikaduha nga Lunes sang Mayo sumugod 2029.

Sang tinalikdan nga Enero 14, gin-aprubahan naman sang Senado sa third and final reading ang Senate Bill 2816, nga nagaset sang term of office sang elected barangay officials kag SK members sa apat ka tuig.