Hailstorm, na-eksperyensyahan sa banwa sang La Castellana

May nagluntad nga hailstorm sa Barangay Robles sa banwa sang La Castellana, kahapon pasado alas-4:00 sang hapon.

May mag video nga naglapta sa social media kun sa diin may yara sang mga nagtupa nga yelo nga nasaksihan ang mga pumuluyo.

Sa interview sang Bombo Radyo kay La Castellana Municipal Disaster Risk Reduction and Management Office Head John de Asis, padayon pa ang assessment sa halit sang pagtupa sang magagmay nga yelo.

Suno diri, nagluntad ang hailstorm kasunod sa paggwa sang thunderstorm advisory kun sa diin nagbubo ang madamol nga ulan.

Abiso ni de Asis sa mga pumuluyo sang banwa nga magulu-aligmat kag magbantay sa weather update agud preparado sa tanan nga tion.