Nagadangat na sa kapin tunga sa milyon ka pesos ang halit sa agrikultura nga narekord sang Office of the Provincial Agriculturist (OPA) bangud sa dry spell.
Sa interview sang Bombo Radyo Bacolod kay Provincial Agriculturist Atty. Japhet Masculino, masobra na sa 420 million pesos ang halit sa humay, mais, fisheries kag sugarcane sa Negros Occidental.
Suno kay Masculino, kapin 2 mil hektariyas na sang duta ang na-damage sa bahin sang humay.
Masobra naman sa 800 ka mga mangunguma ang nag-apply agud makakuha sang crop insurance sa Philippine Crop Insurance Corporation (PCIC).
Nagpasalig naman si Masculino nga wala sang dapat kahangaw-an ang publiko sa pamahog sang rice shortage bangud magluwas sa buffer stocks, mahimo naman nga maka-import sang bugas bangud sa Rice Tariffication Law.
Negatibo man ang probinsiya sa red tide suno sa provincial agriculturist.
Dugang pa sini nga ginaproseso sa gihapon sang provincial government ang patigayunon nga cloudseeding operation.
Ginapreparahan man sang OPA ang posibilidad sang pagtuhaw sang mga peste mag-abot ang tig-ululan.
Ginatun-an man sini kun paano makatipon sang tubig kun tiempo sang tig-ululan agud magamit kun tag-ilinit.
Date of airing: April 8 2019
