Arestado ang isa ka high value target (HVT) sa buybust operation sang Philippine Drug Enforcement Agency (PDEA) Negros Occidental sa Brgy. 10 ciudad sang Bacolod kagab-i kun sa diin nakuhaan ini sang masobra 300 mil pesos nga balor sang ginasuspetsuhan nga shabu.
Ginkilala ang suspetsado kay Carlo Buncalon, 32-anyos sang Brgy. Mansilingan, Bacolod City.
Nakuha kay Buncalon ang 11 ka bulto sang suspected shabu nga nagabug-at sang 55 grams kag ginabanta nga nagabalor sang P374,000 sa operasyon mga alas-6:40 kagab-i.
Suno kay Agent Bamboo, indi pa nila makabig nga HVT si Buncalon sang ila ini nga gin-monitor apang nakibot sila nga dako nga volume sang druga ang nakuha sa iya rason nga gin-classify na nila ini nga high value target.
Santo sa pagsulundan sang PDEA, makabig na nga HVT ang isa ka suspetsado kun makuhaan ini sang 50 gramos sang shabu.
Nahisayran nga napriso na sang una si Buncalon apang ginahibalo pa karun sang PDEA kun sa anu nga kaso.
