Engaged na officially sanday Hollywood stars Tom Holland kag Zendaya.
Ang engagement ang ginkumpirmar sang source gikan sa pamilya sang mga celebrities sa isa ka US media outlet.
May source man nga nagpahayag ng nakaligad pa luyag nga magpropose ni Tom kay Zendaya.
Suno diri, sang New Year pa lamang, ginpakigbahin na ni Tom sa mga malapit nga abyan ang plano.
Apang pahayag sini nga wala nagadali ang couple sa pagpakasal, sa baylo luyag lamang nga ma-enjoy kun ano ang may-ara sa karun bangod sila ang lunsay busy sa tagsa ka project.
Pahayag naman sang isa pa ka US media outlet nga indi enggrande ang proposal ni Tom, sa baylo ini ang romantic kag intimate.
Suno sa ila nga sources, si Tom ang nagpropose sa tunga-tunga sang Christmas kag New Year’s Day sa balay sang isa sa pamilya ni Zendaya sa Estados Unidos.
Ang confirmation ang naggwa matapos makita si Zendaya nga nakasuksok sang diamond wing sa iya nawala nga ring finger sa Golden Globe Awards, nga nagresulta sa mga eskpekulasyon online.
Sa nasambitan nga awards night, may reporter nga nagpamangkot tuhoy sa singsing, apang naghuyom lamang kag nag-alsa sang abaga si Zendaya.
Madumduman nga una naggwa ang balita nga nagdate sanday Tom kag Zendaya matapos magdala sang papel bilang Peter Parker kag Michelle sa Marvel’s 2017 blockbuster nga “Spider-Man: Homecoming.”
Sang Hulyo 2021, naaktuhan man nga nagahalukanay ang duha samtang yara sa salakyan.
Matapos sini, nangin bukas na ang couple sa ila relasyon sa Instagram.
Isa sa mga nagtatak ang pagtawag ni Tom kay Zendaya bilang “my MJ” sa birthday sini sang 2021, samtang ang aktor ang gintawag naman ni Zendaya nga “my Spider-Man.”
