Ginalantaw sang punong barangay sang Barangay Bata, Bacolod City nga pangitaan sang Home World Construction sang iban nga alagyan ang truck bangud wala ang mga ini nag-ubra kag ginsira ang ginaagyan sang truck kahapon.
Sa interview sang Bombo Radyo Bacolod kay Punong Barangay Remus Abaring, sa entrance gid sang truck ang grabe nga yab-ok kun sa diin madamo ang naapektuhan nga mga residente.
Suno kay Abaring, ginpalab-ot na sini kay Bacolod City Mayor Alfredo Albee Benitez ang tanan nga mga concerns sang mga pumuluyo bangud sa proyekto kag naglalain man ini bangud tatlo na ka mga kabataan ang naospital tuga sang yab-ok halin sa construction site.
Suno diri, ginpahayag sang sectary sang alkalde nga siya na ang mafollow-up sa contractor sang proyekto agud marefund ukon mabayaran ang gasto sang mga naospital nga mga kabataan.
