Nag-elect ang House of Representatives sang mga miyembro sang ila contingent para sa bicameral conference committee para sa proposed P6.793 trillion national budget sa 2026.
Sa plenary session sang Miyerkules sang gab-i, ginmando ni House Majority Leader kag Ilocos Norte 1st District Rep. Ferdinand Alexander “Sandro” Marcos nga pangalanan ang masunod nga 11 ka kongresista bilang miyembro sang contingent.
Ang mga mangin continget amo sanday House Appropriations Committee chairperson kag Nueva Ecija 1st district Rep. Mikaela Suansing, Bataan 2nd district Rep. Albert Garcia, Deputy Speaker kag Ilocos Sur 2nd district Rep. Kristine Singson-Meehan, Palawan 2nd district Rep. Jose Alvarez, Surigao del Sur 1st district Rep. Romeo Momo Sr., Cagayan de Oro City 2nd district Rep. Rufus Rodriguez, Camiguin Lone District Rep. Jurdin Jesus Romualdo, Parañaque City 2nd district Rep. Brian Yamsuan, Negros Occidental 3rd district Rep. Javier Lopez Benitez, House Minority Leader kag 4Ps Party-list Rep. Marcelino Libanan kag LPGMA Party-list Rep. Allan Ty.
Gin-aprubahan sang plenaryo sang House ang motion ni Marcos paagi sa voice vote.
Nauna naman nga magpili ang Senado sang ila contingent sa bicameral conference committee nga sanday Senators Sherwin Gatchalian, Mark Villar, Pia Cayetano, JV Ejercito, Loren Legarda, Francis Pangilinan, Erwin Tulfo, Camille Villar, Jinggoy Estrada, Ronald dela Rosa, Christopher Go kag Imee Marcos.
Nahibaluan nga si Estrada ang nag-withdraw bilang miyembro sang Senate contingent samtang si Dela Rosa ang absent halin pa sang Nobyembre 11.
Magatipon ang mga senador kag House members halin sa Disyembre 11 tubtob 13 agud nga i-settle ang nagalain-lain nga probisyon sa ila tagsa ka versions sang spending plan.
Sang nakaligad, ginpahayag ni Suansing nga ang House ang nagapabilin nga nagasuporta sa pag-livestream sang deliberations sang bicameral conference committee.
Ini ang ginduso sang pila ka mga lawmakers agud nga mausisa ang mga miyembro sang Congress ang nagahimo sang mga illegal insertions.
Nahibaluan nga nagdugang man sang sessions ang Senate kag House of Representatives tubtob Disyembre 23 agud nga mapasar ang final version sang 2026 national budget.
Samtang, ginpahayag sang Malacañang nga ang enrolled copy sang 2026 General Appropriations Bill igasumiter kay President Ferdinand “Bongbong” Marcos Jr. antes mag-abot ang Christmas Day para sa iya review kag approval.
