Ginpahayag sang House lead prosecutor nga ginarespeto sini ang position ni Senate President Francis Escudero nga ang impeachment trial ni Vice President Sara Duterte ang indi makaproceed samtang wala sang session ang Kongreso.
Apang suno sa prosecution, nagapabilin ini nga bukas sa pagpursue sang iban pa nga legal remedies lakip na ang pagpadulong sa Korte Suprema.
Suno kay lead prosecutor Rep. Marcelino Libanan, ila ginarespeto ang desisyon sang Senate President bilang presiding officer sang isa ka co-equal chamber.
Apang sa interest sang transparency kag due process, sila ang magahulat sang iya formal written communication sa House panel agud ila mabanta ang ila legal remedies lakip na ang posibilidad sang filing sang isa ka motion para sa reconsideration ukon pag-elevate sang issue sa Korte Suprema para sa constitutional clarification.
Apang ginmintinar ni Libanan nga ang motion sang House para sa writ summons ang isa ka kinahanglanon nga procedural move kag indi isa ka act of defiance.
