Samtang nagamoderno ang panahon nagadamo na ang nagagamit sang teknolohiya agud nga magpamintaha ukon mangpang-ito kaangay lamang sang isa ka human resource manager sa China nga nagapangatubang sang nagasinampaw nga kaso kag siya ang ginkilala kay Yang.
Ini matapos nga ini ang naghimo sang 22 ka peke nga empleyado kalakip na ang mga identity sang mga ini agud makaganar sang 16 milyon Yuan ukon equivalent sa masobra P126 million gikan sa sweldo kag benepisyo sang kompanya.
Gingamit sini ang iya nga control sa payroll agud nga magdugang sang peke nga empleyado kag isaylo ang sweldo sa isa ka bank account nga siya man ang may uyat.
Natukiban ang iya nga pagpang-into sadtong 2022 sang manotisyaran sang finance department sang tech company nga ang isa sa mga peke nga empleyado si “Sun” ang wala gid makita bisan san-o sa ila nga opisina.
Matapos ang maidid nga imbestigasyon, nabuyagyag ang iya nga wala ka tuig nga pagpanunto rason nga ini ang pamatbatan sang napulo ka tuig nga pagkapriso, multahan kag pagbayad sang porsyon sang ginkawat nga kwarta.
