BACOLOD CITY-Padayon pa nga ginatumod sang kapulisan ang motibo sa pagluthang sa isa ka high value target sa banwa sang Hinigaran kahapon sang hapon.
Alas-6:20 sang hapon sang ginluthang sang wala pa nakilal-an nga suspetsado ang biktima nga si Gary Rosal, legal ang pang-edaron sang Brgy. III, Hinigaran.
Santo sa imbestigasyon ni Police Staff Seargent Jomar Areola, pilas sa dughan ang naangkun sang biktima sang ini ang ginluthang sa Pubelo San Roque, Brgy. Gargato kun sa diin gilayon man nga nagpalagyo ang suspetsado.
Suno kay Areola, isa ka HVT Level 2 si Rosal kag miembro sang Ramos Drug Group.
Narekober sa crime scene ang baseyo sang 45 caliber pistol.
Gilayon nga gindala sa Hinigaran Emergency Clinic ang biktima apang ginsaylo man ini sa hospital sa Bacolod.
Apang santo sa nakita sa biktima antes ini gindala sa Bacolod, patal gid nga pilas ang naangkun sini.
