Nagmando ang International Criminal Court sang medical examination kay former President Rodrigo Duterte, nga nakadetain sa karun sa The Hague bangud sa mga kaso sang crimes against humanity bangud sa murder kag attempted murder may kaangtanan sa iya war on drugs sang siya ang Presidente kag alkalde pa sang Davao City.
Ginhingadlan sang ICC Pre-Trial Chamber 1 ang panel sang tatlo ka mga eksperto nga ginmanduan sini nga magpasa sang isa ka report sa Registry nga amu ang magafile sang joint ukon individual reports sang Panel antes ang Oktubre 31, 2025.
Ginmanduan ang prosecution kag defense counsels kag ang counsels para sa mga biktima nga magfile sang ila mga komento antes ang Nobyembre 5.
Ang defense counsel ni Duterte nga si Nicholas Kaufman ang nagfile sang isa ka requests para sa indefinite postponement sang court proceedings kag ginpahayag nga indi fit para sa trial ang anay Presidente.
