Makaligad ang siyam ka adlaw, nakabalik na sa iya tag-iya ang ido nga nagpalagyo nagikan sa eroplano nga ginhalinan sang closure sang duha ka runways sa pinakadako nga airport sa France.
Ginsarado sang mga otoridad ang duha ka runways sa Paris Charles de Gaulle airport samtang ginatinguha-an sang mga opisyal nga dakpon ang ido nga si Amalka.
Humalin sang nakagwa sa carrier si Amalka sang Nobyembre 19 sa unloading operation, may lapnagon nga pagpangita sa ido nga ginapanag-iyahan sang Austrian nga turista nga nagpadulong sa France sakay sa Air France nagikan sa Vienna.
Nag-deploy ang airport police sang search drone sang Martes kag ginsirado ang mga runways.
Sang nagpalagyo ang ido, ginpatigayon ang pila ka search parties, lakip na sa gab-i upod ang tag-iya, kag ang gasto sa hotel ang ginsabat sang Air France.
Nakita ang ido sa isa ka park sa Dammartin-en-Goele, sa isa ka banwa malapit sa airport.
