Ginmarkahan sang duha ka actor nga sanday Julia Barreto kag Joshua Garcia ang ila ika-10 nga tuig bilang on-screen partners paagi sa reunion movie nga “Always Yours, Never Mine.”
Suno sa writer, dekada na ang nakaligad humalin sa labing-una nga movie nga magka-upod ang duha ukon mas kilala bilang “Joshlia”.
Una nga nag-team-up ang Joshlia sa 2016 Metro Manila Film Festival entry nga “Vince & Kath & James.”
Ginsundan ini sang indi magnubo sa lima ka mga movies sa sulod sang 2017-2024.
Sa ila nga reunion film nga “Un/Happy For You,” nalab-ot sini ang P200-million mark sa Philippine box-office gross.
Suno sa duha, gina-enjoy lamang nila ang trabaho kag komportable sila sa isa kag isa gani nagapabilin ang natural nga chemistry.
Kaupod man sa nasambit nga movie ang Kapuso actress nga si Bianca Umali kag si Miss Philippines Earth 2025 Joy Barcoma.
