Nagpabutyag sang iya suporta si Senator Robin Padillla sa actor nga si Joshua Garcia matapos sini gin-repost ang isa ka fan-made video sa tiktok nga nagasuporta sa defense team ni Vice President Sara Duterte nga nagtuga sang nagkalain-lain nga reaksyon gikan sa mga netizens.
Santo man sa report, gina-follow sang actor ang Bise Presidente sa Instagram apang gin-unfollow niya ini matapos maglapta sa social media ang iya nga Tiktok repost.
Samtang ginbatikos sang pila ka mga netizens ang nangin aktibidad ni Joshua sa social media, ginkalipay naman ni Padilla nga kilala nga kaalyado sang pamilya Duterte ang pagsuporta sini sa Bise Presidente.
Ginpakigbahin sang senador sa social media ang isa nila ka eksena sang 2017 kun sa diin ginpanugyanan sang karakter ni Padilla si Joshua angot sa pag-admire sini sa karakter ni Julia Barretto.
Ang duha ka actor ang nag-portray bilang magtiyo sa pelikula nga nagapakita sang ila pareho nga pamatasan bilang miyembro sang isa ka pamilya sa eksena nga nagapakita sang iya suporta sa iya former co-star.
Wala pa sang pampubliko nga pahayag si Joshua angot sa isyu.
