Patigayunon ang 2nd Flood Mitigation Summit subong nga adlaw, Disyembre 10, 2025.
Sa interview sang Bombo Radyo Bacolod kay Atty. Caesar Distrito, spokesperson ni Bacolod City Lone District Representative Alfredo “Albee” Benitez, estoryahan sa summit ang mga solution na bangud natumod naman ang mga factors kag mga rason sang pagbaha sa ciudad sang Bacolod.
Suno kay Distrito, sa ini nga summit siguruhon nga ang mga problema nga nadiskusyunan sa ginpatigayon man nga summit sang tinalikdan nga bulan ang mangin flood mitigation master plan sang mga solution nga nakita sang national, city bisan sa Barangay Officials kag bisan ang private sector.
Suno pa diri ang flood mitigation master plan ang siguruhon nila nga mangin solution sang perenial flooding sa ciudad.
Ang summit ang tambungan sang mga tiglawas sang nagkalain-lain nga mga government agencies kaangay sang DPWH, DRRMO kag regional developmental council sang Negros Island Region (NIR) kasubong man sang mga civic society groups.
