Nagdangat na sa 230 ka mga loose firearms ang nasungka paagi sa “Armas Baylo Bugas” program sang first company sang Negros Occidental Provincial Mobile Force Company (NOCPMFC) halin sang Setyembre 2020.
Sa interview sang Bombo Radyo Bacolod kay P/Lt. Col. Nazer Canja, commander sang 1st NOCPMFC, ginpahayag sini ang nakolekta nila nga mga loose firearms ang nagikan sa northern part sang probinsya humalin sang ginlunsyar ang program sadtong Setyembre 13.
Suno kay Canja, magluwas sa mga armas, may ginsungka man sa ila nga 93 ka mga live ammunitions, 12 ka mga explosives kag mga rifle grenade.
Kabug-usan naman nga 345 ka sako sang bugas ang napanghatag na sa 242 ka mga indibidwal nga nagsungka sang ila nga mga loose firearms.
Nagapasalamat si Canja sa mga local government units (LGUs) sa Northern Negros sa wala untat nga suporta sa ila ilabi na sa paghatag sang bugas.
Magluwas diri, ang iban nga mga pulis ang nagadonar man sang ila nga rice allowance agud ibakal sang bugas sa NFA agud ibulig sa programa.
Nagapasalamat man si Canja sa mga residente nga nagakooperar gid sa programa
