Ginpahayag sang Iglesia Ni Cristo (INC) nga ang ila 3-Day Rally for Transparency’ ang may katuyuan sa pagpangayo sang konkreto nga tikang batok sa kurapsyon ilabi na sa anomalya sang flood control projects kag wala sang tinutuyo nga laglagon ang gobyerno.
Gin-athag ni INC general evangelist Bienvenido Santiago Jr., ang ila pagprotesta ang batok sa mga indibidwal nga imbulbado sa kurapsyon kag indi batok sa gobyerno.
Suno diri, tinutuyo sang tikang ang pagtindog sa kamatuoran kag husto nga panggobyerno.
Ginpahayag pa sini nga ang ila pagpanindugan ang nagapakita sang pagtinguha nga mapaseguro ang integridad kag katutom sa serbisyo publiko.
Ini ang pamaagi agud mabatian ang tingog sang mga tawo nga apektado sa kurapsyon.
Kahapon sa ulihi nga data nagdangat sa 630,000 ang nagtambong sa rally suno sa Manila Disaster Risk Reduction Management Office.
