Nagpadulong sa Negros Occidental Capitol ang iban nga mga miyembro sang Iglesia Ni Cristo nagikan sa Negros Island Region agud magtipon sa pagpatigayon sang peace rally.
Suno kay Cony, nagikan ini sa Dumaguete City, Negros Oriental kag nagtabok sa Negros Occidental kahapon, alas- 2:00 sang hapon kag wala na nagtulog pa para sa rally subong nga adlaw.
Suno diri, bwas pa ini sa kaagahon makapauli matapos ang rally.
Kapin sa 380 ka mga van nga nagbyahe gikan sa Dumaguete City padulong sa Capitol lagoon para mag-upod sa rally.
Pahayag sini, kalinong lamang ang ila ginapangayo agud indi maapektohan ang ila pagsimba kag buluhaton.
Dugang pa sini, madamo sang problema ang pungsod nga dapat unahon sang sa problema sa pulitika.
Samtang, indi makapugong ang ulan kag init sa pagpatigayon sang Iglesia Ni Cristo sang ‘National Ralliy for Peace’.
Nagtipon sa Negros Occidental Capitol Lagoon ang mga INC members para magpatigayon sang rally.
May yara sang concert nga ginpatigayon sang aga kag ang pormal nga programa nag-umpisa sang hapon kag magatakop alas- 8:00 sang gab-i.
Nagutok ang lagoon matapos nga nag-abot ang mga INC members gikan sa Negros Occidnetal, Negros Oriental kag Siquijor nga nagasuksok sang puti nga tshirt.
Yara man sa area ang mga katapo sang Bacolod City Police Office, Bacolod Traffic Authority Office, kag Disaster Risk Reduction & Management Office (DRRMO).
Suno sa isa ka miyembro sang INC, bisan nga mainit ukon mag-ulan man, indi sila mag-untat sa ila nga rally.
Suno diri, sundon nila ang mando sa ila kun ano man ang mangin resulta sang peace rally.
