Ginpaandaman ni incoming US Secretary of State Marco Rubio ang China nga dapat untatan na ang pagpanggamo sini sa Pilipinas kag Taiwan.
Sa confirmation hearing sa US Senate Foreign Relations Committee sa nomination ni Rubio bilang US Secretary, ginpahayag sini nga ang mga tikang nga ginahimo sa karun sang China ang tuman nga makahalalit, ginapwersa sini ang Amerika nga maghimo sang counteractions bangud nga may yara ini sang commitments sa Pilipinas kasubong man sa Taiwan nga ila naman nga padayunon.
Dugang pa sang Republican Senator nga kun luyag sang China nga maghimo sang tikang agud nga mangin mapag-on ang relasyon sang Estados Unidos kag China, dapat suno diri nga untaton sini ang paggamo sa Taiwan kag Pilipinas bangud ginapilit sini nga itutok ang ila nga atensyon sa mga paagi nga indi nila luyag nga himuon
Nagpaandam pa si Rubio nga dako ang mangin epekto sa bug-os nga kalibutan sa tion nga may yara sang anuman nga “miscommunication o inadvertent conflict” sa pagpangharass sang China sa disputed waters, nga magatulod sa US agud nga depensahan ang Pilipinas bilang treaty ally ukon kaalyado sini.
Ang pahayag ni Rubio ang sa tunga sang panibag-o nga development sa West Philippine Sea kun sa diin padayon ang iligal nga deployment sang dako nga barko sang China sa kadagatan sang Pilipinas malapit sa Zambales nga ginhalimbawa ni Rubio bilang harassment.
Si US Sen. Rubio nga ang ginbutang ni US President-elect Donald Trump nga mamuno sang State Department kag mangin successor ni outgoing Secretary of State Anthony Blinken.
