Indi magnubo sa 66 ka mga senatorial aspirants ang sa karun kumpirmado nga malakip sa official ballot para sa 2025 Elections.
Suno kay Comelec chairperson George Erwin Garcia, ginalauman nga magpasa ang Law Department sang poll body sang proposed recommendations para sa mga aspirants nga mapabilin, mahukas kag madeklarar bilang nuisance candidates para sa masunod nga eleksyon sa Miyerkules, Oktubre 23.
Suno sa iya, kahapon, 66 ka mga aspirants ang malakip sa listahan sang mga lehitimo, valid kag matuod-tuod nga mga kandidato.
Ang iban nga mga aspirants ang nagapangatubang pa sa karun sang mga issues lakip na ang mga parties nga nag-issue sang duha ka mga Certificate of Nomination and Acceptance (CONA).
Ang period sang filing sang certificates of candidacy (COC) nga nagsugod sang Oktubre 1 tubtob Oktubre 8, 2024 ang nagtakop sa 183 senatorial hopefuls kag 156 ka mga party-lists nga nagfile sang CONA para sa 2025 May elections.
