Ginpaidalom na sa inquest proceedings kahapon sang aga ang pulis nga si Police Staff Sgt. Bonifacio Saycon sa Provincial Prosecutor’s Office sa Hall of Justice sa Dumaguete City, Negros Oriental.
Madumduman nga si Saycon ang suspek sa pagluthang sa Guest Relations Officer (GRO) nga si Chiela Mae Dinawanao kag sa tatlo ka pulis sa Sibulan, Negros Oriental sang Enero 9, 2026 sang gab-i.
Sa interview sang Bombo Radyo kay Negros Oriental Police Provincial Office (NORPPO) Spokesperson Police Captain Stephen Polinar, ginpaidalom sa paraffin test, ballistic test, swabbing test kag drug test si Saycon kahapon.
Ang resulta sang amo nga examination ang ginhatag sa Officer-in-Charge (OIC) para sa husto nga evaluation.
Suno kay Polinar, temporaryo nga nakahunong sa karon si Saycon sa Sibulan Municipal Police Station bangud ginahulat pa ang order halin sa Hall of Justice antes ini i-transfer sa Provincial Jail.
Pahayag ni Polinar nga sa karun, ginatutukan sang mga imbestigador ang pagpasaka sang kaso kag Saycon, agud mahatagan sang hustisya ang mga biktima.
