Ginkumpirmar sang Park Superintendent sa Mount Kanlaon National Park nga sila ang nagpatigayon sang inspection upod sa team sang Mines and Geosciences Bureau sang Department of Environment and Natural Resources (DENR) kag Provincial Environment Management Office (PEMO) sa Tamburong Creek sa Brgy Biak-na-bato, La Castellana.
Sa interview sang Bombo Radyo Bacolod kay Forester Philip Lechoncito, ang purpose sang inspection amo ang matumod ang volume sang volcanic materials nga nagpanaog sa sapa bilang preparasyon sa dredging plan agud nga makumpleto ang requirements para sa dredging activity.
Ang sapa ang mahimo nga makutkot apang indi matransport sa iban nga lugar ang volcanic materials santo sa resolution number 1 sang Protected Area Management Board (PAMB).
Suno kay Lechoncito ang resolution ang naissue sang Marso 2025.
Suno diri, ang LGU kag ang DPWH ang mahimo magtandem sa pagpatigayon sang dredging apang ang makuha nga materials ang ibutang lang sa sulod sang protected area agud nga malimpyohan ang water ways kag masolbar ang problema sa pagbaha.
