Ginpahayag sang anay bise alkalde kag konsehal sa ciudad sang Bacolod nga may basihan sa aplikasyon sang International Humanitarian Law.
Ini ang kasunod sang panawagan sang pila ka mga grupo nga dapat imbestigaran ang natabo nga engkwentro sa Barangay Salamanca, Toboso, Negros Occidental kun sa diin napatay ang 19 ka mga gina-alegar katapo sang New People’s Army.
Suno sa mga ini, ang natabo ang indi engkwentro kundi strafing kag ini ang paglapas sa International Humanitarian Law.
Sa interview sang Bombo Radyo Bacolod kay Atty. Renecito Novero, sa general principle, ang International Humanitarian Law ang aplikable lamang sa sovereign states ukon International Organizations.
Suno diri ang natabo ang domestic armed conflict kag gani ini ang covered sagihapon sang domestic laws.
Sa pihak nga bahin ang mga pamilya sang mga napatay ang mahimo man nga magpasaka sang kaso sa Commission on Human Rights ukon Prosecutor’s Office.
Apang aminado man ang abogado nga mabudlay man pamatud-an nga indi rebelde ang ila nga himata.
Ini bangod kinahanglan nga sila ang may mapresentar nga testigo nga makapamatuod sa rasun kun ngaa sila ang yara sa lugar kag ano ang ila mga aktibidad sa encounter site.
Samtang ang mga kaso nga murder nga ginpasaka sa pila ka mga napatay kaangay kay Arnel Tapang ang madula naman bangud napatay na ang akusado.
