Gin-anunsyo ni U.S. President Donald Trump kahapon, Abril 1, sa iya nga Truth Social post nga nag-hingyo sang ceasefire ang Iran sa Estados Unidos, apang ginpaathag sang Washington nga tugutan nila ini kun liwat na nga buksan ang Strait of Hormuz.
Apang hugot nga ginpanginwala sang Iran ang pahayag ni Trump.
Suno sa spokesperson sang Ministry of Foreign Affairs ng Iran, ang alegasyon nga ceasefire request ang indi matuod kag wala sang basehan.
“At present there is no negotiation,” ini ang ginpahayag ni Iran Foreign Minister Abbas Araghchi.
Madumduman nga nagpagwa sang pahayag si U.S. Pres. Trump nga nagpalab-ot sang mensahe ang isa ka opisyal sang Iran nga nagahingyo sang ceasefire, kag magatugot lamang ang Estados Unidos sa request kun liwat na nga buksan ang Strait of Hormuz.
