Iranian Armed Forces, nagpaandam nga sarang nila bombahun ang energy facilities sang mga kumpanya nga kaalyado sang US

Nagpaandam ang Iranian Armed Forces nga ang anuman nga pag-atake sa ila nga oil kag energy infrastruture ang ila nga balusan sang pagbomba sa mga energy facilities sang kumpaniya nga kaalyado sang US sa rehiyon.

Suno sa Al-Anbiya Central Headquarters sang militar, ang mga kumpanya ang ila gilayon nga gub-on kag pulbuson.

Ginpahayag man sang Iranian official nga normal ang operasyon sa Kharg Island matapos ang mga pag-atake nga ginpatigayon sang Estados Unidos.

Dugang pa sini nga wala man naapektuhan ang palangabuhian sang mga residente didto kag wala sang napatay nga military personnel, company employees kag pila ka mga residente sa nasambit nga isla.