Ginpagwa na sang alkalde sang Bacolod ang implementing rules and regulations tuhoy sa general community quarantine nga ginapatuman sa ciudad agud mapunggan ang paglapta sang coronavirus disease.
Sa Executive Order No. 22 Series of 2020, nakasaad nga ang general community quarantine ang epektibo sa tanan nga tinion kun sa diin limitado ang hulag sang mga pumuluyo sa pag-access sa basic necessities kag trabaho; kag dapat nga yara ang presensya sang mga uniformed personnel kag quarantine officers sa border patrol.
Ang check-up points suno diri ang ipahamtang sa strategic areas sa ciudad, santo sa desison sang Philippine National Police, sa bulig sang Armed Forces of the Philippines kag City Health Office kag iban nga ahensya sang gobyerno.
Sa idalom sang EO, ang pahanugutan lamang nga makasulod sa ciudad sang Bacolod ang mga out-of-towners nga nagatrabaho sa Bacolod sa tion sang ila work days apang kinahanglan nila nga magpresentar sang company ID, Bacolod residente nga nagatrabaho sa out-of-town sa tion sang work days; medical/health workers nga nagahimo sang ila duty; mga tawo nga nagabyahe para sa medical ukon humanitarian reasons; authorized government officials/employees in the performance of their duties; mga tawo nga nagahatag sang basic services; kag delivery personnel sang mga business establishments nga nabase sa Bacolod ukon out-of-town.
Sa tion nga makitaan sang sintomas sang COVID-19 ang mga out-of-towners, sila ang pabalikon sa ila balay; samtang ang mga residente naman sang Bacolod ang indi pagpahanugutan nga magbiya sa Bacolod kun sila ang pagwa kag igaendorso sa City Health Office ukon Barangay Health Emergency Response Team (BHERT) para sa husto sa medical handling.
Kun pabalik naman sa Bacolod ang residente, siya ang igaendorso sa CHO ukon BHERT.
