Patay ang isa ka gina-alegar nga miyembro sang Central Negros 1 sang New People’s Army sa nagluntad nga asod-asod nga engkwentro sa tunga sang 62nd Infantry Battalion sang Philippine kag New People’s Army sa Barangay Quintin Remo, Moises Padilla, Negros Occidental kahapon, Mayo 21.
Sa interview sang Bombo Radyo Bacolod kay Lt. Col Jjay Javines, pinuno sang Division Public Affairs Office sang 3rd Infantry Division sang Philippine Army, ang una nga engkwentro ang nagluntad alas 6:30 sang aga kag ang sunod naman ang alas 8:30 ang takna sa aga.
Suno kay Javines, ang nakaengkwentro sang katapo sang 62nd Infantry Battalion sang Philippine Army amo ang kapin pito nga remnants sang Central Negros 1.
Ang engkwentro ang nagdugay sang napulo ka minutos.
Bilang resulta sang engkwentro narecover ang bangkay sang napatay nga gin-alegar katapo sang NPA.
Ang napatay ang ginkilala kay Richard Dela Peña, alias Rocky kag residente sang Sitio Inangaw sa Barangay Quintin Remo, Moises Padilla.
Narecover man ang isa ka M16 1A rifle kag isa ka magazine nga loaded sang 20 serviceable rounds, isa ka bandolier nga may duha ka magazines para M16 rifle kag 20 serviceable rounds, kasubong man ang subversive documents.
