Ginbatikos si Israeli Prime Minister Benjamin Netanyahu matapos ginkwestyon sang iya nga kampo ang resulta sang eleksyon sa Israel nga ginpatigayon sang Oktubre 27.
Gin-akusaran sang iya mga kaalyado ang mga arab parties nga Joint List kag Ra’am sang pagpangdaya, pagpanuhol, kag pagbaton sang ilegal nga pondo naggikan sa iban nga pungsod.
Apang, wala pa sang may ginpagwa nga supisyente nga ebidensya agud mapamatud-an ang mga akusasyon.
Santo sa Central Elections Committee, wala sang basehan ang alegasyon sang lapnagon nga pagpangdaya kag ginpahayag nga napatigayon sang insakto ang eleksyon.
Samtang, ginpaathag sang oposisyon nga tuyo lamang sang mga nasambit nga espekulasyon nga pahuyangon ang kredibilidad sang mga Arab-led parties kag mabalabagan ang posible nga paghimo sang bag-o nga koalisyon batok kay Netanyahu.
Bangud wala sang nakakuha sang kinahanglan nga mayorya sa parlyamento, nagapabilin nga indi pa sigurado ang mangin komposisyon sang masunod nga administrasyon sang Israel.
