Abanse ang kampo ni Prime Minister Benjamin Netanyahu sa partial results sang general election sang Israel batok sa rival sini nga si former military chief Gadi Eisenkot, apang indi supisyente ang nakuha nga suporta agud makuha ang mayorya sa parlyamento.
Sa 85 percent nga naisip na nga balota, ang partido ni Netanyahu nga Likud kag ang Orthodox Jewish allies ang ginalauman nga maka-secure sang 53 seats sa 120-seat Knesset samtang 48 seats naman para sa oposisyon nga Yashar party kag tatlo pa ka partido sa bloc ni Eisenkot.
Indi pa supisyente ang 53 nga pwesto sang kampo ni Netanyahu agud malab-ot ang mayorya nga 61 ka pwesto kasubong man sa kampo ni Eisenkot.
Ang duha ka lider ang nagpahayag nga sila ang maga-porma sang coalition.
Ang partido nga ginapamunuan sang mga Arabo nga ginalantaw makadaug sang 19 seats ang may potential nga mangin dugang nga suporta apang nagpromisa ang tanan nga Jewish parties magluwas sa isa, nga indi makigbahin sa mga arabo.
Ang mga negosasyon sa pagporma sang bag-o nga gobyerno posible nga magdugay pa kag mahimo magserbe anay bilang caretaker prime minister si Netanyahu samtang nagapadayon ang negosasyon.
Bangud may yara pa sang masobra 430,000 kag 480,000 ka mga balota nga wala pa naisip gikan sa mga suldado kag diplomats, posible maglawig pa sa isa tubtob duha ka adlaw ang pinal nga resulta sang eleksyon.
