Ginpakigbahin sang International Solid Waste Integrated Management Specialists, Inc. (ISWIM) ang ila nga report sa pito ka adlaw nga paghakot sang basura sa ciudad sang Bacolod.
Sa interview sang Bombo Radyo Bacolod kay Councilor Homer Bais, chairman sang Committee on Environment and Ecology sa Sangguniang Panlungsod, ginpakita sang ISWIM ang ila nga natrabaho na humalin sang Enero 1, 2026 kun san-o sila nag-umpisa.
Suno diri, ginpakita sang ISWIM ang sitwasyon sang landfill nga kaangay nga dumpsite na bangod wala namintinar kag ginpabay-an sang IPM Construction and Development Corporation.
Suno pa diri, ginpa-arado pa sang ISWIM ang dalan pasulod sa landfill agud mahapos ang pagsulod sang garbage trucks.
Samtang, ginpakigbahin man sang garbage hauler ang landfill sang iban nga Local Government Units kun sa diin sila naga-operate man kag didto nakit-an nga natago ang mga basura bangod well-maintained ang area.
Pahayag ni Bais, santo sa ila nga report, nagdangat sa kapin 10,000 cubic meters ang nagakahakot nga basura sang ISWIM kada adlaw humalin sang ginsalo nila ang ginbilin pa nga basura sang IPM.
Apang, sa karun lauman nga mangin normal na ang operation bangod amat-amat na nga nakolekta sang ISWIM ang mga basura nga sang Disyembre pa.
