Guilty ang verdict sang Sandiganbayan kay Janet Napoles sa 10 counts sang graft kag 10 counts sang malversation of public funds through falsification of documents.
Bangud sini, ginsentensyahan si Napoles sang anti-graft court sang tubtob 15 ka tuig nga pagkapriso para sa tagsa ka kaso sang graft, kag 17 ka tuig, apat ka bulan tubtob 20 ka tuig sa kada kaso sang malversation.
Ini ang may kaangtanan sa maanomaliya nga pagpangayo sang P50 million nga pondo sang napulo ka non-government organizations (NGOs), paagi sa napulo ka mga local government units (LGUs), naggikan sa Department of Agrarian Reform (DAR) para sa farm inputs.
Natukiban sang mga LGU nga wala sila sang record sang nasambit nga proyekto kag wala man sila nagrequest sang pondo.
Magluwas kay Napoles, napamatud-an man nga guilty si anay DAR Undersecretary Jerry Pacturan sa 10 counts sang malversation.
Samtang, si Evelyn de Leon ang napamatud-an nga guilty sa tig-tatlo ka counts sang graft kag malversation.
Ini ang dugang nga penalidad para sa ginhingadlan “pork barrel scam queen.’’
