Nagpagwa sang precautionary hold departure order (PHDO) ang Sixth Division sang Sandiganbayan batok kay Senator Francis Joseph Chiz Escudero kag sa isa ka pribado nga indibidwal kahapon, Abril 27.
Base sa dokumento nga ginpagwa sang anti-graft court, ginmanduan sang anti-graft court ang Commissioner sang Bureau of Immigration nga balabagan si Escudero kag si Maynard Siy Ngu agud indi makagwa sa pungsod.
Nakabutang sa aplikasyon si Escudero bilang isa ka senador kag si Ngu bilang isa ka private citizen.
Ang amo nga direktiba ang halin sa isa ka Verified Ex Parte Application for the Issuance of a Precautionary Hold Departure Order nga ginfile sa Sixth Division sang korte.
Ang Sandiganbayan ang masami naga-isyu sang ini nga tikang bilang paghalong agud masiguro nga yara sa hurisdiksyon sang oungsod ang mga indibidwal nga posible magapangatubang sang preliminary investigations.
Sa subong, ginahulat pa ang opisyal nga pahayag gikan sa kampo nanday Senador Escudero kag Ngu angot sa gin-isyu nga mando, kasubong man ang kumpirmasyon gikan sa Bureau of Immigration angut sa gilayon nga pagpatuman sang nasambit nga PHDO.
