Daog si Emmanuel “Jimuel” Pacquiao Jr. sa iya labing una nga professional fight.
Nakuha sa 25 anyos nga boksidor ang kadalag-an matapos maknock-out ang 36 anyos nga si Darrick Gates sang America sa ila nga lightweight bout kahapon sa Pechanga Resort and Casino sa California.
Matapos ang dikit nga first round, nagpaulan pa sang mas madamo nga atake si Jimuel sa second round.
Nagpatupa ini sang kombinasyon, nga natapos sa hook, nga nagresulta sa pagkatumba ni Gates.
Nakatindog pa si Gates antes matapos ang 10-count, apang siya ang liwat nga napatumba ni Jimuel paagi sa body shot.
Didto na kag ginpa-untat sang referee ang hampang.
Si Jimuel, nga bata ni 8-division boxing world champion Manny Pacquiao, ang sa karun may-ara na sang record nga 1 win – 0 losses – 1 draw.
Ang record ni Gates ang nanaog naman sa 0 wins – 2 losses.
