Nagapati si Manny Pacquiao nga indi gid gusto ni Floyd Mayweather Jr. nga mapierde nga ginapahayag nagapanguna nga rason kun ngaa mas luyag sini ang exhibition match sangsa professional fight batok sa iya.
Suno kay Pacquiao, nahadlok si Mayweather bangud suno diri ang exhibition match ang ginagamit sini nga puhunan agud maka-angkon sang undefeated record.
Madumduman nga gin-anunsyo ang ila rematch nga natalana patigayunon sa Setyembre, 18 sa The Sphere, Las Vegas.
Samtang, ginpaathag naman ni Mayweather nga ini ang isa lamang ka exhibition bout nga nagakahulugan nga indi niya kinahanglan nga isugal ang iya perfect record nga 50-0.
Padayon nga nagahampang sa exhibition matches si Mayweather matapos magretiro sang 2017, samtang si Pacquiao ang nag-intra man sa amo nga hampang.
Gani, luyag ni Pacquiao nga ang posible nga rematch nila ang mangin professional fight.
Una na sila nag-atubangay sang 2015 kun sa diin nagdaog si Mayweather sa via unanimous decision, nga halin sadto luyag nga makabalos ni Pacquiao.
Suno kay Jas Mathur, may deadline ang negosasyon para sa hampang kag may progreso naman, kalakip na ang isa ka kontrata, apang madamo pa sang partido ang kinahanglan nga mag-intsindihanay.
