Nagahingyo si Kagawad Joan Sonota sang Barangay Tangub, Bacolod City sang pag-intindi sa nagikan sa mga job order employees kun ngaa wala marelease ang ila payroll.
Sa interview sang Bombo Radyo kay Sonota, ginpahayag sini nga kadamo sa karun sang ginapaimbestigahan sa Barangay Tangub kag lima sila ka mga kagawad ang complainant.
Suno sa iya, sang nagsugod sila himo sang budget appropriation para sa 2021, may ginpermahan sila nga plantilya nga nalakip ang pangalan sang mga empleyado.
Sang ila ginlantaw ang dokumento, may mga nalakip sa lista nga sang 2019 pa nagtaliwan gani sila ang natingala.
Gani sini sang Enero, nagrequest sila sang payroll kag warm bodies ukon makit-an gid ang mga job order employees nga nalakip sa listahan.
May nagagwa man nga indi pareho ang balor sang ginapermahan sang mga empleyado sa balor nga ila nagakabaton.
Kaangay na lamang suno sa kagawad sa isa ka manugpanilhig nga P500 lang ang nagakabaton apang P2,500 ang nabutang sa ila ginpermahan.
Suno diri, may yara sang 91 ka mag job order employees sa ila dokumento apang wala sila nakahibalo kun sanday sin-o ang mga ini kag diin naghalalin gani nagrequest sila nga kun magrelease sang kwarta sa mga JO, dapat yara man ang ila presensya agud masiguro nga insakto ang nagakabaton sang mga empleyado sa ila ginpermahan.
