Gindula sang top democrats ang posibilidad nga paga-islan si US President Joe Biden bilang Democratic nominee matapos ang nangin performance sini sa debate sa tunga nila ni former President Donald Trump kag nagpanawagan sa mga miyembro sang partido nga magfocus na lamang sa mga konsekwensya sang liwat nga pagpungko ni Trump sa pagka-presidente.
Matapos ang negatibo nga impact sang nangin performance ni Biden sa ginpatigayon nga debate, hugot nga ginreject sang Democract leaders ang mga panawagan sa ila partido nga magpili sang mas bata nga presidential candidate sang sa 81-anyos nga si Biden.
Apang nagapadayon ang mga panawagan kay Biden nga magpaiway na lamang kun sa diin humalin sa 36 percent sang Pebrero, nagdangat na sa 46 percent ang numero sang mga Democrats nga nagapati nga indi na dapat magpare-elect ang Presidente.
Suno kay Georgia Democratic Senator Raphael Warnock, nagakatabo ang indi maayo nga mga debate gani sila ang kaupod sa gihapon ni Biden kag ang ila assignment amu nga masiguro nga makalab-ot ini sa finish line sa Nobyembre.
