Nagdangat na sa P1.03 billion ang balor sang kahalitan nga ginbilin sang mga naglabay nga bagyo kag habagat sa sektor sang agrikultura sa pungsod.
Masobra katunga sang kantidad ang gikan sa mga palay nga nahalitan sang kalamidad.
Kapin 50 porsyento ang pagsaka ini nagikan sa P689.66 million nga kantidad sang damages nga ginabanta sang Department of Agriculture sang Agosto 13.
Bangud sini, masobra sa 30,000 ka mga mangunguma ang apektado kasubong man ang masobra sa 25,000 hectares sang agricultural land kag 25,280 metric ton sang agricultural kag fishery products.
Suno nga tuman nga naapektuhan nga commodity amo ang mais.
Nagsaka naman sa 16,105 metric tons ang nadula sa produksiyon sa agrikultura nagikan sa 23,206 ektarya sang uma ukon talamnan.
Nagkaangkon naman sang P9.26 million nga balor sang danyos ang sektor sang pangisdaan samtang sa livestock ang nagdangat sa P6.91 million kalakip ang masobra sa 6,000 ka mga kasapatan.
Narekord ang mga kahalitan sa pito ka mga rehiyon sa CAR, Ilocos Region, Cagayan Valley, Central Luzon, Calabarzon, Mimaropa kag Western Visayas.
