Nagbayluhanay sang mga tinaga batok sa isa kag isa sanday Kamala Harris kag Donald Trump sa mga swing states sang Sabado sa ulihi nga weekend sang ginakabig pinaka-intense nga Eleksyon sa Estados Unidos kun sa diin ginahangkat sang Democrat ang mga voters nga sayluhon na ang page sa sahi sang pamulitika sang Republican.
75 million ka mga pumuluyo na nag nakapakigbahin sa early voting antes ang Nobyembre 5.
Ginabantayan sa karun sa pungsod kag sang bilog nga kalibutan kun si Harris ang mangin labing una nga babaye nga Presidente sang Estados Unidos ukon liwat nga magabalik si Trump sa pwesto matapos ang iya bayolente nga mga tikang agud maliwat ang resulta sang 2020 election kun sa diin nalutos ini kay President Joe Biden.
Literal nga nagsugat-anay ang duha sang Sabado matapos nga lunsay nahamtang sa airport tarmac sa Charlotte, North Carolina ang official vice presidential Air Force Two ni Harris kag ang personal jet ni Trump.
