Ginpahayag ni Kamala Harris ang preparado na ang Estado Unidos nga mag-eleher sang labing una nga babaye nga Presidente kag gindownplay ang iya maragtason nga bid kag ginpahayag nga luyag lamang sini nga sulion ang page para sa isa ka nasyon nga ginakapoy na kay Donald Trump.
Duha ka semana antes ang adlaw sang Eleksyon, si Harris kag Trump ang nagalibot sa mga swing states kag nagapatigayon sang rallies, nagahambal sa mga airwaves kag podcasts sa pagpangita sang advantage sa isa ka race nga santo sa mga survey, ang duha ang naga-tie.
Sang ginpamangkot si Harris kun preparado na bala ang Amerika nga mag-eleher sa labing una nga babaye nga pinuno, nagsabat lamang ini sang “absolutely” kag ginpahayag nga ginakapoy na ang mga pumuluyo kay Donald Trump kag sa iya mga approach bangud lunsay ang mga ini natuhoy sa iya kaugalingon.
Samtang, ginpahayag naman ni Trump sa iya kampanya sa North Carolina nga ang ini nga eleksyon ang isa ka choice kun magaagom bala sang apat ka tuig nga incompetence, failure kag disaster ukon magasugod sang apat ka greatest years sa maragtas sang pungsod.
Ginpahayag ni US President Joe Biden nga dapat prisuhon sa patag sang politika si Republican candidate kag former President Donald Trump.
Suno kay Biden, dapat nga i-lock up politically si Trump nga nakabaton naman sang makusog nga palakpakan nagikan sa mga pumuluyo sa isa ka campaign office sa New Hampshire.
Samtang nagapangatubang si Trump sang nagkalain-lain nga pending criminal charges samtang nagacompete ini batok kay Vice President Kamala Harris, nangin mahinalungon ang White House nga indi maghibalot sa legal problems sang Republican.
Makapila ka beses nga ginclaim ni Trump ang charges, pila ang nagarevolve sa iya efforts nga i-overturn ang iya kapierdehan sang 2020 kay Biden.
Sang si Trump ang nag-atubang kay Hillary Clinton sang 2016, ang negosyante nga nangin politiko ang nagpanawagan nga ma-imbestigahan kag mapriso ang iya Democratic opponent, nga gintunaan sang pagchant sang mga supporters sini sang “lock her up.”
Ang chant ang nakit-an bilang isa ka major break sa political norms sadto kag apisar nga nagdaog si Trump batok kay Clinton, wala naman nakasuhan sa maskin ano nga krimen si Hillary.
