Patay ang kandidato sa pagkakonsehal matapos maaksidente sa Provincial Road sa Hacienda Carmenchita, Barangay Don Salvador Benedicto sa banwa sang Pontevedra, Negros Occidental alas-11:25 kagab-i.
Ang biktima ang ginkilala nga si John Espinosa, 54 anyos kag residente sang Barangay Antipolo, Pontevedra, Negros Occidental.
Sa interview sang Bombo Radyo Bacolod kay Police Captain Darryl Kuhutan, deputy chief of police sang Pontevedra Municipal Police Station, ang kandidato ang nagikan pa sa pagpangampanya kag papauli na kuntani dala ang iya tricycle.
Si Espinosa ang nagabyahe gikan sa Pontevedra proper kag padulong kuntani sa Brgy Antipolo ukon west to east direction, samtang sugata naman sini ang Isuzu truck nga ginamaneho ni Jose Malicse, 41 anyos, nga residente sang Barangay La Granja, La Carlota City.
Sa imbestigasyon, natumod ng naglapaw ang tricycle sa lane sang truck gani nabunguan sini ang nawala nga bahin sang truck.
Bangod sa impact, si Espinosa ang nakaangkon sang injuries sa nanarisari nga bahin sang lawas.
Ini ang gindala pa sa Don Salvador Benedicto Memorial District Hospital sa La Carlota City apang gindeklarar nga dead on arrival.
