BACOLOD CITY-Kapin isa ka milyon ka pesos nga balor sang suspected shabu ang nakuha sang Regional Drug Enforcement Unit (RDEU) 6 sa buybust operation sa Purok Masagana, Brgy. 6 ciudad sang Bacolod sini gid lamang nga hapon.
Ginkilala ang subject sang buybust nga si Joel Beate alyas Turagsoy.
Nakuha sa paghinakop ni Beate ang kapin 100 grams sang suspected shabu nga ginabanta nagabalor sang P900,000.
Suno kay Police Lt. Thursly Castillo nga nagpamuno sang operasyon, kapin 2 ka semana nila nga gin-monitor si Beate antes natigayon ang buybust.
Suno pa kay Castillo, natigayon ang buybust batok kay Beate bangud sa nakuha nila nga impormasyon gikan sa wanted sang Bacolod Police Station 7 nga naaresto sa ciudad sang Silay nga ginapahayag sub-leader sang Derla Drug Group.
Suno kay Castillo, si Mosoy Derla ang leader sang nasambit nga drug group kag priso ini karun sa New Bilibid Prison.
