Kapin 15 ka balay, nahalitan sa sunog sa Brgy 2, Bacolod City kaina sang kaagahon

Nagluntad nga sunog sa Purok Tahong, Barangay 2, Bacolod City pasado alas-2:00 kaina sang kaagahon.

Sa interview sang Bombo Radyo kay Jefrey Cañete, residente sa nasambit nga lugar kag isa sa mga nagbulig responde sa sunog, nagikan ang sunog sa nalipatan nga kandila sang isa ka mag-asawa.

Suno diri, wala sang kuryente ang mag-asawa rason nga kandila lang ang ila nga ginagamit nga suga.

Suno kay Cañete, pasado alas-2:00 sang kaagahon nagsugod ang sunog kag madasig nga naglapta ang kalayo.// Suno diri, yara sa 15 ka mga panimalay ang halitan sang nasambit nga sunog.