Ginabanta nga kapin sa 20 ka mga balay ang nahalitan sa sunog nga nagluntad sa Prk Lampirong 2 compound sa Brgy 2, Bacolod City pasado ala-1:00 subong nga hapon.
Ang kalayo ang ginapahayag nga gikan sa balay ni Rosalie Alburoto, apang ini ang indi pa kumpirmado.
May mga alegasyon nga may nabatian nga paglupok antes nag-ibwal kag madasig nga naglapta ang kalayo.
Suno kay Elsie Damaso, totally damaged gid ang iya nga balay kag ang tyangge.
Kalakip sa natupok ang refrigerator, water dispenser kag piso WiFi sa iya nga tyangge.
Suno diri, madasig nga naglapta ang kalayo bangod kalabanan sa mga balay ang human sa light materials kag ang mabaskog pa ang huyop sang hangin.
Pahayag ni Damaso nga wala gid ini sang may nasalbar nga gamit sa ila nga balay.
Samtang duha na lamang ka estraktura ang antad, malab-ot naman sang kalayo ang balay ni Cariel Estrella.
Pahayag sini nga ini ang ikaduha na nga sunod sa parehas nga area.
Ini bangod nagluntad man ang sunog sa lugar lima ka tuig na ang nakaligad kag halos palarehas man ang mga nagkala-ulamid.
Ginapakamaayo na lamang sini nga napalong ang kalayo antes maglab-ot sa iya nga balay.
Madamo man sang duha ka panalgan nga balay ang nasunog, apang suno diri, ang nabudlayan sa pagpalong amo ang balay sang nagapangscrap bangod madamo sang mga karton kag plastic sa nasambit nga balay.
Ang kalayo ang napalong man pasado alas-2:30 sang hapon.
