Nagpatigayon sang isa ka medical mission ang Bacolod Adventist Light Bearers (BALB) kaupod ang CUSG-Alijis kag Bacolod Adventist Medical Canter (BAMC), HEALBERG, Negros Occidental Conference (NOC) sa Carlos Hilado Memorial State University (CHMSCU) Alijis subong nga Domingo, Oktubre 13.
Ang tema sang nasambit nga aktibidad amu ang “Empowering Communities: CHMSUans in Action.”
Nalakip sa mga gin-avail sang mga estudyante, ila mga himata, kag staff sang CHMSU-Alijis amu ang libre nga medical checkups, blood-typing, RBS, X-rays, Urinalysis, Karada Scan, ECG, kasubong man libre nga mga bulong.
Nagsugod ang medical mission paagi sa isa ka invocation nga ginpangunahan ni Alfie Agosto, national anthem, kag isa ka zumba performance agud opisyal nga i-welcome ang mga nakigbahin sa aktibidad.
Ginabanta 400 ka mga indibidwal lakip na ang mga staff, estudyante kag mga himata ang nagtambong sa event nga nagsugod alas 8:00 sang aga tubtob alas 12:00 sang udto.
