Masobra P1.9 milyon ang balor sang illegal nga druga nga nakumpiskar sa buybust operations nga ginpatigayon sang Bacolod City Police Station 2 sa Block 4 Lot 19, City Ville Subd., Brgy. Estefania, Bacolod City kagab-i.
Sa impormasyon nga nakuha sang Bombo Radyo, ginkilala ang kay sanday Mark Sy, 20 anyos, single, high value individual kag residente sang Prk. Masagana, Barangay 6, Bacolod City.
Nakuha sa iya paghinakop ang 10 ka sachet sang suspected shabu, lima ka ice wrapper nga may unod sang suspected shabu, duha ka P1000 bill nga marked money, mga drug paraphernalia, P1500 nga cash kag paltik cal. 357 revolver.
Ang nakompiskar nga illegal nga druga ang ginabanta nagabug-at sang 240 gramo.
Sa karun, nakahunong ang suspetsado sang Bacolod Police Station 2 kag nakatalana nga pasakaan sang kaso nga pagbayolar sa R.A. 9165 ukon Comprehensive Dangerous Drugs Act of 2002.
