Ginpasanyog pa sang Philippine National Police ang ila mga pagpaninguha agud masiguro ang proteksyon sang mga bumalakal kag sang bilog nga publiko, kasunod sang mga balita natuhoy sa pagsaka sang presyo sang mga karne kag mga utan, sa karun nga nagahilapit na ang Paskwa.
Suno kay PNP Chief Police Lieutenant General Jose Melencio Nartatez Jr., nagdeploy na ang PNP sang mas madamo nga pulis sa nagkalain-lain nga mga balaklan, lakip na ang mga merkado, supermarkets kag mangin sa mga wet markets.
Tinutuyo sang ini nga tikang nga malikawan kag mauntat ang mga illegal nga buluhaton kaangay sang hoarding, profiteering ukon tuman nga pagpasaka sang presyo, panic buying kag iban pa nga posible nga ginamo nga posible makaapekto sa supply kag presyo sang mga balaklon.
Ang ini nga tikang sang PNP ang bilang pagsunod sa direktiba ni President Ferdinand Marcos Jr. nga ginmando sa PNP kag kay DILG Secretary Jonvic Remulla, nga tutukan kag siguruhon ang welfare sang mga bumalakal paagi sa pagsiguro nga padayon kag wala sang makapugong sa access sang publiko sa mga nagapanguna nga mga kinahanglanon kag balaklon.
