Duha ka dugang nga kaso sang mpox ang nadetect sa Pilipinas rason kun ngaa nagdangat na sa 12 ang kabug-usan nga numero suno sa Department of Health.
Suno sa DOH, ang ika-onse nga kaso ang isa ka 37-anyos nga lalaki nagikan sa National Capital Region nga nakanotisyar sang sintomas humalin sang Agosto 20 ilabi na ang distinct rash sa iya guya, butkon, tiil, thorax, palad kag dapa-dapa.
Sa inisyal nga imbestigasyon, ang kaso ang wala sang kilala nga exposure sa maskin sin-o nga persona nga may kaangay nga sintomas apang gin-admit sa close, intimate kag skin-to-skin contact sa sulod sang 21 ka adlaw antes ang pagsugod sang iya sintomas.
Siya ang gin-admit sa government hospital sang Agosto 22 kun sa diin ginkuha ang skin sample sini kag gintest sa DOH Research Institute for Tropical Medicine (RITM).
Nagapabilin ini sa karun nga nakaconfine sa ospital.
Ang ikaduha nga kaso ang isa naman ka 320anyos nga lalaki nagikan sa NCR nga nanotisyaran ang sintomas sang Agosto 14.
Ang kaso sini ang gin-admit sa close, intimate kag skin-to-skin contact sa isa ka sexual partner.
Ang pasyente ang ginkuhaan sang skin sample sang Agosto 23 kag naka-home isolation na sumugod sadto.
Apisar sang pagkadetect sang duha ka bag-o nga mga kaso, nagpasalig ang DOH sa publiko nga ang latest nga mga pasyente ang na-infect sang MPXV Clade II, nga mas mild nga sahi sang mpox virus.
